.png)
باسکٹ بال کا کھیل جیسا کہ آج کل جانا جاتا ہے ڈاکٹر جیمز نیسمتھ نے دسمبر 1891 میں اسپرنگ فیلڈ، میساچوسٹس میں متعارف کروایا تھا، اس کھیل کا مقصد سرد مہینوں میں نوجوان کھلاڑیوں کی فٹنس کو برقرار رکھنا تھا۔
نیسمتھ میساچوسٹس کے اسپرنگ فیلڈ میں YMCA انٹرنیشنل ٹریننگ اسکول (جو اب اسپرنگ فیلڈ کالج کے نام سے جانا جاتا ہے) میں فزیکل تعلیم کے انسٹرکٹر تھے۔ باس کی درخواست پر، نیسمتھ کو ایک انڈور اسپورٹس گیم بنانے کا کام سونپا گیا تھا تاکہ کھلاڑیوں کو سرد موسم میں بھی فٹنس برقرار رکھنے میں مدد مل سکے۔
نیسمتھ نے نئے کھیل کے لیے 13 قواعد شائع کیے تھے ۔ اس نے اپنی اٹھارہ بچوں کی کلاس کو نو کھلاڑیوں کی دو ٹیموں میں تقسیم کردیا تھا۔
باسکٹ بال کا پہلا کھیل کافی دلچسپ تھا، اس میں آڑو کی ٹوکریاں اور فٹ بال طرز کی گیند استعمال کی گئی تھی۔
کھیل کا طریقہ یہ تھا کہ باسکٹ بال کو جم کی بالکونی کی نچلی ریلنگ پر کیلوں سے جڑی پھلوں کی ٹوکریوں میں پھینکنا تھا۔ ہر بار جب ایک پوائنٹ اسکور کیا جاتا تھا، کھیل روکنا پڑتا تھا تاکہ چوکیدار ایک سیڑھی لگا کر گیند کو آڑو کی ٹوکری سے سکے۔
